L’11 d’otóber a l’é nassuje na neuva associassion ch’a l’ha coma but col ëd protege e fé conòsse a lenga e la coltura dël Piemont.

Quaidun a podrà ciamesse: ma coma? A-i na j’è già tante! A-i er-lo pròpi damanca ‘d n’àutra? Mia risposta a l’é: È! A-i na j’era damanca! A son giumai 25 ani che mi i barzigo ant ël mond piemontèisista, da quandi, visadì, i j’era stàit un dij fondator ëd Gioventura Piemontèisa ant l’otógn dël 1993.

An tuti costi ani i l’hai avù la fortun-a ‘d conòsse e, con tanti ‘d lor, ëd dventé amis ëd famija ‘d na bela partìa d’artista a 360°. Costi artista, tutun, dificilment as conòsso antra ‘d lor e ‘d conseguensa, ancor pì dificilment a colaboro ansema. Con costi pensé, ai 27 ëd magg i l’hai organizà con lor na marenda sinòira a ca mia e i l’hai campà lì l’ideja: përchè nen creé na neuva associassion che, nopà ‘d dedichesse mach al Piemont ëd jer, a peussa nen pensé al Piemont ëd doman?

Sensa arneghé gnente dël passà, naturalment.

E parèj i l’oma ancaminà a pensé coma fé e, com’i disìa prima a j’11 d’otóber a l’é nassuje Arte Ci Pare: Companìa për la Difusion ëd la Coltura Piemontèisa ch’a ved tra ij sò fondator esponent a 360° dla nòsta coltura: : Paulin Siròt (President); Isabella Maria Zoppi (la cantautris e scritris Isa, Consijera); Alessandro Allocco (titolar ëd la Galerìa d’Art Atb ëd Via Sineo); Roberto “Spiegazza” Beccaria, Francesco Bertone (soa l’ideja dël nòm ëd l’associassion) e Roberto Bella (ij Trelilu, Piero Ponzo a figura nen ma a l’é dij nòsti ‘dcò chiel!); Michel dij Bonavé (poeta, scritor e responsabil ëd Piemontèis Ancheuj); Gioanin Bonavia (scritor e tradutor al Parlament Europengh); Tazio Brusasco (professore di liceo e organizzatore di eventi); Guido Cosso (scritor, ch’a l’é mancà improvisament ai 14 ëd gené an lassand tuti antërdoà); Claudio Marcon (ator); Franco Marmello (poeta e cantautor);  Alberto Masino (espert ëd mùsiche e danse popolar e ‘d mùsiche militar); Giovanni Ruffino (tradutor ëd Brassens an lenga).

Còs’a veul fé Arte Ci Pare? Le ideje a son tante e a venterà selessioné për nen ëslarghesse tròp e perde ‘d vista l’obietiv, ch’a l’é, com’i l’hai dit ëdzora, col ëd gavé na frisa ‘d pover da na lenga ch’a l’ha damanca ‘d fé vëdde ch’a l’é nen na còsa mach për contene ‘d com’a l’era bel ël passà, ma che a deuv serve ‘dcò për parlé dël futur.

I l’oma già butà su na pagina Facebook (Arte Ci Pare) e ‘n sit internet (www.artecipiemont.eu, che adess a l’é ancora n costrussion ma ch’i faroma ‘d tut për felo chërse pì an pressa ch’a sia possibil).

Për qualsëssìa tipo d’informassion, peui, i peule ‘dcò dovré la mail: info.artecipiemont@gmail.com.

I-i ten-o ‘dcò a ringrassié ‘d cheur doe përson-e ch’a son nen dij fondator, ma che a l’han dane na man pì che importanta: un-a a l’é na cara amisa ‘d famija ch’a l’ha regalane ‘l bel lògo dl’associassion: Sabina Cerato (ch’a l’é, oltratut, ëdcò chila na scritris avosà e ch’am da na gròssa man ëdcò për masenté ‘l sit). L’àutr a l’é na figura stòrica dël panorama coltural e musical piemontèis: Happy Ruggiero che con soa esperienza an sël camp a l’ha giutà mi e Marina (àutr ringrassiament doveros a mia fomna për l’angagi e l’apògg ch’a l’ha dame) an manera fondamental ant la scritura ëd tuti ij papé ch’i l’oma dovù tiré giù për la nassita dl’associassion.

La prima surtìa, ai 12 ëd gené al Centro Polifunzionale - Nuovo Foro Boario ‘d San Damian d’Ast ch’a l’ha vist l’esibission dij Trelilu, Giorgio Brosio (a l’é nen dij fondator, ma a l’ha dane d’ideje fondamentaj për ancaminé costa aventura), Giovanni Ruffino, Franco Marmello e Isa a l’é andaita pì che bin. Speroma ch’a sìa mach la prima ‘d na longa serie. Stene dapress. I l’oma damanca ‘d voi!

L’11 ottobre è nata una nuova associazione che ha come scopo quello di proteggere e far conoscere la lingua e la cultura piemontese. Qualcuno potrà chiedersi: ma come? Ce ne sono già tante! Era proprio necessario crearne un’altra? La mia risposta è: Sì! Ce n’era proprio bisogno! Sono ormai 25 anni che io faccio parte del mondo piemontesista, da quando, cioè, sono stato uno dei fondatori di Gioventura Piemontèisa nell’autunno del 1993. In tutti questi anni ho avuto la fortuna di conoscere e, con tanti di loro, diventare amico di famiglia, di un bel gruppo di artisti a 360°. Questi artisti però, difficilmente si conoscono tra di loro e ancora più di rado collaborano assieme. Con questi pensieri, il 27 maggio, ho organizzato una merenda sinòira a casa mia e ho buttato lì l’idea: perché non creare una nuova associazione che, invece di dedicarsi solo al Piemonte di ieri, non potesse pensare al Piemonte di domani? Senza rinnegare nulla del passato, naturalmente. E così abbiamo iniziato a pensare come fare e come dicevo sopra, all’11 ottobre è nata Arte Ci Pare: Companìa për la Difusion ëd la Coltura Piemontèisa che vede tra i suoi fondatori esponenti della nostra cultura a 360°: Paulin Siròt (Presidente); Isabella Maria Zoppi (la cantautrice e scrittrice Isa, Consigliera); Alessandro Allocco (titolare della galleria d’arte ATB); Roberto Beccaria, Roberto Bella e Francesco Bertone (i Trelilu, Piero Ponzo non figura tra i fondatori ma è anche lui dei nostri); Michele Bonavero (poeta in lingua piemontese e scrittore, responsabile di Piemontèis Ancheuj); Giovanni Bonavia  (scrittore e traduttore al Parlamento Europeo); Tazio Brusasco (professore di scuola superiore e organizzatore di eventi teatrali); Guido Cosso (scrittore, mancato improvvisamente nella notte tra il 13 e il 14 gennaio. Un lutto che ha sconvolto tutti noi); Claudio Marcone (attore); Franco Marmello (scrittore, poeta e cantautore in lingua piemontese); Alberto Masino (esperto in danze e canti popolari sul territorio piemontese e non solo); Giovanni Ruffino (interprete di Georges Brassens in piemontese e cantautore in italiano e in piemontese). Cosa vuol fare Arte Ci Pare? Le idee sono tante e dovremo selezionarle per non perdere di vista l’obiettivo che è, come detto in precedenza, quello di togliere un po’ di polvere a una lingua che ha bisogno di far vedere che non è solo uno strumento per raccontare di com’era bello il passato ma che deve invece servire per parlare del futuro. Abbiamo già una pagina Facebook (Arte Ci Pare) e un sito internet (www.artecipiemont.eu) che adesso è ancora in fase di costruzione ma che faremo di tutto per farlo crescere il più in fretta possibile). Per qualsiasi tipo di informazione potete anche mandare una mail a info.artecipiemont@gmail.com.

Vorrei ringraziare in particolare di cuore due persone che non figurano tra I fondatori ma che ci hanno dato una mano fondamentale: una è nostra carissima amica di famiglia che ci ha anche regalato il bel logo dell’associazione: Sabina Cerato (che è, anche lei, una bravissima scrittrice e che mi dà un aiuto fondamentale per gestire il sito). L’altra è una figura storica del panorama musicale e culturale piemontese: Happy Ruggiero che con la sua esperienza sul campo ha aiutato me e Marina (altro ringraziamento doveroso a mia moglie per l’impegno e l’appoggio costante che mi ha fornito) in maniera fondamentale nella scrittura di tutti i documenti che abbiamo dovuto tirare giù per la nascita dell’associazione.

La prima uscita, al 12 gennaio al Centro Polifunzionale – Nuovo Foro Boario di San Damiano d’Asti che ha visto l’esibizione dei Trelilu, di Giorgio Brosio (che non è nei fondatori ma che ci ha dato delle idée utilissime per iniziare questa avventura), Giovanni Ruffino, Franco Marmello e Isa è andata benissimo. Speriamo sia solo la prima di una lunga serie. Stateci vicini. Abbiamo bisogno di voi!

Paulin Siròt